Поради доцнењето со изградбата на салата во Сараево се менуваат датумите на сите три концерти во БиХ. Новите датуми се:

23 март - Мостар
24 март - Сараево
25 март - Тузла

Концертот во Сараево е планиран за 9ти март 2007 година во објектот INTERSTAGE со капацитет од 5.000 посетители кој специјално ќе се отвори за таа прилика и ќе биде нова концертна локација во Сараево.

Еден ден пред Сараево групата ќе одржи концерт и во Мостар, а еден ден после во Тузла.

Со овие три концерти проектот "30 години ЛЕБ И СОЛ" дефинитивно завршува и нема да има никакви дополнителни концерти иако имаше голем притисок од градови како Ниш, Крагујевац, Марибор, Подгорица...

Публика од цела Словенија дојде да ги види ЛЕБ И СОЛ на единствените концерти во таа држава.

Сe помина како и секаде до сега. На почетокот возбудливо, а од средината до крајот ЕУФОРИЧНО.

БЕЗ КОМЕНТАР!!!

Поради до сега незабележан интерес за еден музички настан во Македонија, Авалон Продукција одлучи да пушти и втор концерт на ЛЕБ И СОЛ на Скопски Саем Хала 1 во недела на 10ти декември со почеток во 21:00 часот.

Овој случај е до сега незабележан во македонската музичка историја. Влезниците за вториот концерт во продажба ќе бидат пуштени од петок, а во недела освен на стандардните продажни места ќе може да се купат и во клубовите Тренд и Living Room.

Додека чекате уште повеќе да ви го покачиме ионака покачениот адреналин со нови информации топло ви го препорачуваме следниов линк на кој можете да ја прочитате рецензијата за загребскиот концерт на ЛЕБ И СОЛ.

Уште потопло ви препорачуваме да обрнете внимание на последната реченица во самата рецензија :)

http://www.muzika.hr/default.aspx?id=9864

Без коментар. Сликите говорат се. Посетете ја нашата галерија.

На денешната прес конференција во Танјуговиот прес центар во Белград на која присуствуваа членовите на групата ЛЕБ И СОЛ, Авалон Продукција и директорката на Сава Центар Јасна Димитријевиќ, беше ексклузивно најавен и трет концерт на ЛЕБ И СОЛ во Белград на 28.12.2006.

Како што кажа самата директорка во своето кратко и ефектно излагање, третиот концерт се одржува поради огромен интерес и распродавање на претходните два концерта. Г-ѓа Димитријевиќ изјави дека е многу задоволна што на нејзина изричита молба АВАЛОН Продукција го потврди 28ми декември како датум за третиот концерт кој фактички ќе биде и затворање на коцнертната сезона во Сава Центар.

Влезниците за третиот концерт со просечна цена од 25ЕУР ќе бидат пуштени во продажба од 22.11.

Со импресиите од вчерашниот концерт нема премногу да ве замараме. За она што се случуваше вчера во Сава Центар ќе ја искористиме изјавата на вториот човек на таа институција Вук Жугиќ: "Повеке од 20 години работам во оваа фирма. Во Сава Центар свиреле стотици светски имиња, но ова што се случи вчера, Белград до сега го нема ниту видено ниту дозивеано."

Инаку концертот траеше 2 цаса и 45 минути, имаше 3 биса од кои последниот беше со комплетно запалени бели светла во целата сала?!?

После вечерашниот концерт, утре дел од екипата оди директно за Бања Лука, а дел се враќа за Скопје. Приказната продолжува во петок вечер во бањалучката сала БОРИК.

Во понеделник 20ти ноември со почеток во 13:00 часот во прес центарот на ТАНЈУГ на Кнез Михајлова 6 во Белград ќе се одржи прес конференција на која ќе бидат соопштени впечатоците од, до тогаш, одржаните концерти на ЛЕБ И СОЛ во Нови Сад и Белград, но ќе бидат и најавени нови интересни моменти за турнејата.

Интересно е тоа што прес центарот на Танјуг во Белград ќе биде поврзан прес центарот на Танјуг во Бања Лука од каде тамошните новинари ќе може активно да учествуваат во прес конференцијата преку видео врска.

Сите поединости од оваа прес конференција ќе бидат објавени на нашиот сајт.

Вчера во клубот Hard Rock во Скопје имаше неформално дружење на членовите на групата ЛЕБ И СОЛ, Авалон Продукција во комплетен состав и сите останати членови на екипата кои во петок заминуваат на турнејата на ЛЕБ И СОЛ.

На неформалното дружење присуствуваа и пријателите, претставници на медиумите, спонзорите.

Влезниците за концертот во Скопје кој ќе се одржи на 9ти декември во Хала 1 на Скопски Саем ќе бидат пуштени во продажба од 20ти ноември.

Цената на влезниците ќе биде 600 денари, а ќе може да се набават во Чув Де Чув, Југотон, Розе - Веро2, Тобако 1, 2 и 3, Камарад - ТЦ Рамстор и низ цела Македонија.

Поради големиот интерес за концертот, до 20ти ноември ексклузивна резервација ќе може да се направи преку www.macedonia.co.uk

Според известувањата од страна на локалните партнери на Авалон интересот за концертите на ЛЕБ И СОЛ е навистина огромен. Како доказ за тоа е и фактот дека првиот концерт во Белградскиот Сава Центар е речиси распродаден.

На концертите во Сава Центар како единствен и специјален гостин ќе настапи Драгољуб Ѓуричиќ. Легендарниот тапанар заедно со своите пријатели ќе ги отсвири песните Бистра вода и Калабалак, песни кои тој ги свиреше на студиските албуми на ЛЕБ И СОЛ.

Во текот на изминативе десетина дена Авалон и Леб и Сол имааа успешни промотивни прес конференции низ поранешна Југославија. Очекувано сите прес конференции предизвикаа огромен интерес кај медиумите кои не го сокриваа задоволството од повторното соединување на групата и нивните повторни концерти.

Првиот прес беше одржан во медија центарот на Сава Центар. На овој прес присуствуваа повеќе од 100 новинари, фоторепортери, камермани. Влатко, Бодан, Кокан и Гаро имаа учества во централните вести на сите еминентни ТВ станици, а имаа и повеќе од 30 интервјуа и гостување во радио програми.

Следниот прес се случи во Нови Сад во студиото "М" на РТНС каде што Леб и Сол го снимија својот прв албум. Исто како во Белград и во Нови Сад интересот од страна на медиумите беше огромен.

По неколкудневна пауза бендот одржа прес конференции и во Сараево, Загреб и Бања Лука.